Karta e Studentit Shkodër
120+ përfitime studentore në gjithë Shqipërinë
Nga transporti urban dhe shëndeti, deri tek muzeumet dhe aktivitetet kulturore — Karta e Studentit Shkodër është mjeti yt për një jetë studentore aktive dhe me më shumë mundësi.
Një nismë e re për studentët e Shkodrës
Karta e Studentit Shkodër është projekti i parë lokal që i jep studentëve akses real në përfitime, zbritje dhe aktivitete që përmirësojnë përditshmërinë e tyre.
Funksionet e Kartës
Karta e Studentit Shkodër është mjet identifikimi dhe përfitimi për studentët, e ndërtuar për përdorim të thjeshtë dhe praktik.
Identifikon studentin në rrjetin e përfitimeve
Ofron zbritje dhe shërbime të dedikuara
Përdoret pranë bizneseve partnere dhe institucioneve
Mbështet aktivitete kulturore dhe sociale
Misioni
Misioni i Kartës së Studentit është të përmirësojë cilësinë e jetës studentore dhe të krijojë më shumë mundësi për përfshirje, zhvillim dhe mirëqenie.
Bashkëpunime që sjellin vlerë për studentët
Karta e Studentit Shkodër funksionon falë bashkëpunimit me institucione publike dhe biznese private që ndajnë të njëjtin vizion: të mbështesin studentët përmes përfitimeve reale dhe të prekshme.
Bashkëpuno me ne
Jeni institucion, biznes apo organizatë? Bëhuni pjesë e Kartës së Studentit Shkodër dhe kontribuoni në ndërtimin e një rrjeti përfitimesh për studentët.
Institucionet Akademike
Mundësi për mbështetje dhe përfshirje të studentëve në iniciativa edukative.
Bizneset Private
Promovoni shërbimet tuaja dhe ofroni zbritje për studentët.
Institucionet Publike
Mbështetje për politika sociale dhe shërbime të dedikuara për studentët.
Transporti dhe Shërbimet
Lehtësim i aksesit në shërbime të përditshme dhe lëvizje urbane.
Pyetje të shpeshta
Shihni përgjigjet për pyetjet e zakonshme rreth Kartës së Studentit.
Si mund ta aplikoj për Kartën e Studentit?
Aplikimi mund të bëhet në dy mënyra të thjeshta:
Online, duke plotësuar formularin në faqen zyrtare kartastudentitshkoder.al me të dhënat personale dhe dokumentin e studentit;
Në sportelin e Bashkisë Shkodër, pranë zyrës së rinisë, ku operatorët plotësojnë të dhënat në sistem për ju.
Pasi të verifikohet statusi juaj si student, karta përgatitet dhe ju njoftoheni për ta tërhequr.
Cilat janë përfitimet e Kartës së Studentit?
Karta e Studentit Shkodër ju ofron 120+ përfitime në:
Shërbime publike lokale – kinema, muze, teatre, galeri, bibliotekë;
Biznese private – farmaci, klinika dentare, optika, palestra, transport, banka, sigurime, etj.;
Shërbime kombëtare – hyrje me zbritje në muze dhe parqe arkeologjike në të gjithë Shqipërinë.
Karta zgjerohet vazhdimisht me bashkëpunëtorë të rinj, duke sjellë më shumë përfitime për studentët çdo muaj.
Si mund ta verifikoj statusin tim si student?
Statusi juaj verifikohet automatikisht në momentin e aplikimit, përmes të dhënave që Bashkia Shkodër merr nga Ministria e Arsimit dhe Universiteti përkatës.
Kështu shmangen gabimet dhe çdo kartë lëshohet vetëm për studentë aktiv
A mund të përdor Kartën time në vende të ndryshme?
Po. Karta e Studentit Shkodër njihet në të gjithë territorin shqiptar, në të gjitha institucionet dhe bizneset pjesë e rrjetit të përfitimeve.
Në të ardhmen, programi synon të integrohet me Kartën Evropiane të Studentit (ESC), duke i dhënë studentëve shqiptarë përfitime edhe jashtë vendit.
Si funksionon aplikimi online?
Në faqen zyrtare kartastudentitshkoder.al klikoni “Apliko Online”, plotësoni formularin me të dhënat personale dhe ngarkoni dokumentin e studentit (vërtetim ose kartë studenti nga universiteti).
Pas përfundimit të verifikimit, do të merrni njoftim me email ose SMS për statusin e aplikimit dhe kohën e tërheqjes së kartës.
Çfarë duhet të bëj nëse humbas kartën?
Në rast humbjeje, mund të kërkoni rimbursim karte në faqen zyrtare ose në sportelin e Bashkisë Shkodër.
Karta e re do të ketë të njëjtin numër unik dhe të dhënat ekzistuese, pa humbur përfitimet tuaja.
Bëhu pjesë e Kartës së Studentit dhe përfito çdo ditë.
Aplikimi është i thjeshtë dhe i shpejtë.
🔒 Të dhënat tuaja ruhen në mënyrë të sigurt dhe përdoren vetëm për qëllimin e kartës.